khwab mein hazrat adam ko dekhna khwab mein hazrat adam ko dekhna

:آدم علیہ السلام کو خواب میں دیکھنا

نمبر 01

 اگر کسی نے خواب میں حضرت آدم علیہ السلام کو دیکھا تو اس کی تعبیر یہ ہے کہ خواب دیکھنے والے سے کوئی گناہ سرزد ہوا ہے اس سے تو بہ کرنی چاہیے۔

نمبر02

 بعض مرتبہ خواب میں حضرت آدم علیہ السلام کو دیکھنا با دشاہت یا علم پر دلالت کرتا ہے۔

نمبر03

خواب میں خود کو حضرت آدم علیہ السلام کو ذبح کرتے دیکھنا بادشاہ کے ساتھ غدر کرنے کی یا استاذ یا والدین کی نافرمانی کی دلیل ہے۔ 

نمبر04

اگر کسی نے آدم علیہ السلام کو خاص ہیئت میں دیکھا اور خواب دیکھنے والا صالح بھی ہے تو تعبیر یہ ہے کہ ولایت کی دولت سے سرفراز ہوگا ۔ 

نمبر05

اگر کسی نے دیکھا کہ گویا وہ حضرت آدم علیہ السلام سے کلام کر رہا ہے تو ذلیل ہے کہ وہ علم کے زیور سے آراستہ ہوگا ۔ 

نمبر06

بعض علماء تعبیر نے کہا ہے بعض دفعہ آدم علیہ السلام کو دیکھنا کسی دشمن کے دامِ فریب میں آنے کے بعد پھر اس سے نجات پانے کی طرف مشیر ہے۔ 

نمبر07

اگر کسی نے خواب میں آدم علیہ السلام کو رنگ اور حالت کے متغیر ہونے کی صورت میں دیکھا تو دلیل ہے کہ خواب دیکھنے والا ایک مکان سے دوسرے مکان کی طرف منتقل ہوگا پھر اخیر میں پہلے والے مکان میں دوبارہ منتقل ہو گا ۔ 

نمبر08

اگر کوئی شخص خواب میں خود کو آدم علیہ السلام بنتا ہو یا آدم علیہ السلام کی ساتھی بنتا ہوا یا آدم علیہ السلام کا صفت سے متصف ہوتا ہوا دیکھے تو اس کی تعبیر یوں ہے کہ صاحب خواب اگر خلافت کا اہل ہے تو خلافت پائے گا اور اگر عالم ہے تو لوگ اس کے علم سے بھر پور فائدہ اٹھا ئیں گئے یا اس کو ایسا علم نصیب ہوگا جس کی لوگوں میں کوئی برابری نہیں کر سکے گا۔

09نمبر

بعض دفعہ خواب میں حضرت آدم علیہ السلام کا دیدار خوابوں کی تعبیر کرنے والے پر دلالت کرتا ہے اس لئے کہ دنیا میں سب سے پہلے خواب دیکھنے والے اور اس کی تعبیر کرنے والے حضرت آدم علیہ السلام ہی ہیں ۔ 

نمبر10

بعض مرتبہ خواب میں دیدار آدم حج اور احباب کے اجتماع کی دلیل ہے۔

نمبر11

بعض مرتبہ آدم علیہ السلام کو خواب میں دیکھنا کثرت نسل پر دلالت کریگا۔ 

نمبر12

بعض مرتبہ ان کو دیکھنے سے نسیان کی طرف اشارہ ہوتا ہے۔ 

نمبر13

بسا اوقات آدم کو دیکھنے کی تعبیر حیلہ و مکر سے کی جاتی ہے۔ یا دلی دشمن سے ایسے محض کے ساتھ زندگی گزارنے
سے جو معالج حیات یاز ہر ساز یا جنات و شیاطین کو حاضر کرنے اور ان کی زبان بولنے والا ہو۔
 

نمبر14

بسا اوقات آدم علیہ السلام کو خواب میں دیکھنا کھردرے لباس اور رونے پر دلالت کرتا ہے۔ 

نمبر15

بعض وقت ان کو دیکھنا کھانے کے سب تکلیف میں مبتلا ہونے پر دلالت کرتا ہے ۔ 

نمبر16

بعض مرتبہ اس کی تعبیر مطلق سفر سے اور کبھی اس جانب سفر سے جہاں حضرت آدم علیہ السلام کا نزول ہوا تھا کی جاتی ہے۔ 

17نمبر

اور بعض دفعہ دیدار آدم علیہ السلام کی تعبیر اولاد نرینہ کی کثرت سے کی جاتی ہے۔ 

نمبر18

اگر خواب دیکھنے والا مریض ہو تو آدم کا دیدار اس مرض سے شفاء کی دلیل ہے اور بعض دفعہ خدام سے اور بعض مرتبہ بادشاہ کے مطیع ہونے سے بھی تعبیر کی جاتی ہے۔ 

نمبر19

اگر کسی نے خواب میں آدم علیہ السلام کو ناقص الحال دیکھا۔ تو اس کی تعبیر یہ ہے کہ دیکھنے والے کے حال میں نقص پیدا ہوگا۔ یا اس کی صنعت و پیشہ میں تبدیلی آئے گی۔ اور اگر آدم علیہ السلام کو اچھی حالت میں دیکھے تو اس کی حالت بھی اچھی ہوگی۔