حضرت امام جابر مغربی رحمته الله علیہ کے اقوال
حضرت امام جابر مغربی رحمتہ الله علیہ فرماتے ہیں کہ اگر خواب میں کسی کو یہ دکھائی دے کہ وہ ایک سالہ اونٹ پر بیٹھا ہوا تھا تو یہ اس بات کی دلیل ہے کہ وہ غمگین ہوگا اور اگر دیکھے کہ اس کے اونٹ کے کسی اعضاء سے خون بہہ رہا تھا تو یہ اس بات کی نشانی ہے کہ وہ بقدر خون کے سعادت اورنعمت دنیاوی حاصل کرے گا اور اگر دیکھے کہ وہ اونٹ کی مہار کو کھینچ رہا تھا تو اس کی تعبیر یہ ہے کہ وہ کی فرمانبردار مرد سے جھگڑا کرے گا۔ خواب میں بادام کا دکھائی دینا مال کی علامت ہے لیکن بادام چھلکے سمیت دیکھے تو اس کی تعبیر یہ ہے کہ مال کسی قدر رنج وسختی کے ساتھ ہاتھ میں آئے گا او جب بادام بغیر چھلکے کے دیکھے تو یہ علامت اس بات کی ہے کہ مال آسانی سے حاصل ہوگا۔
اگر کوئی دیکھے کہ وہ خواب میں بکری کا گوشت کھارہاتھاتو یہ اس بات کی علامت ہے کہ وہ بیمار ہو گا اور شفایاب ہو جائے گا – خواب میں پرانا پردہ دیکھنا بادشاہ اور رعیت دونوں کے لیے برا ہوتا ہے اور نیا پردہ بادشاہ کے لیے اچھا ہوتا ہے اور رعیت کے لیے برا ہوتا ہے۔ اگر کسی کو خواب میں ہی نظر آئے کہ اس نے ابابیل پکڑی ہے تو یہ اس بات کی نشانی ہے کہ وہ غموں سے نجات پائے گا اور خوف ڈر سے محفوظ رہے گا۔ اگر کوئی خواب میں دیکھے کہ اس کا منہ غبار سے آلود تھا تو یہ اس بات کی علامت ہے کہ اس کو کوئی رنج وغم پہنچے گا۔ بموجب آیت کریمہ کے جس کا ترجمہ ہے۔ “کئی چہرے اس روز (بروز قیامت) ایسے ہوں گے کہ جن پرگرد پڑی ہوگی اور چڑھی آتی ہوگی ان پر سیاہی”۔
اگر کوئی خواب میں ہی دیکھے کہ اس کا گمشدہ یا غائب آدی سفر سے واپس آ گیا ہے تو یہ اس امر کی دلیل ہے کہ اس بندے کا کام کشادہ ہو گیا ہے اور اگر دیکھے کہ اس کا غائب اور گمشدہ آدمی متفکر اورغم ناک ساتھا تو سمجھے کہ اس کو تکلیف پہنچے گی اور اگر یہ دیکھے کہ اس کا غایب یا گمشدہ آدمی سوار ہو کر سفر سے واپس آیا ہے تو اس کی تعبیر یہ ہے کہ وہ غائب اور گمشدہ آدمی جلدی مال ونعمت لے کر سفر سے واپس آئے گا اور اگر غائب کو پیادہ اور عاجز اور برہنہ (ننگا ) دیکھے تو یہ اس بات کی علامت ہے کہ راستے ہیں اس غا ئب آدمی کو ڈاکو اور لٹیرے لوٹ لیں گے اور وہ مفلس ہو کر واپس آئے گا۔
اگر کسی کو خواب میں یہ دکھائی دےکہ وہ عناب کے درخت جمع کر رہا تھا تو یہ اس بات کی نشانی ہے کہ وہ مال کو تکلیف سے حاصل کرے گا۔ اگر کوئی خواب دیکھے کہ وہ کسی مشہور ومعروف اور سرسبز و شاداب جگر میں ٹھہر گیا ہے تو اس کی تعبیر یہ ہے صاحب خواب اس جگہ سے بہت سانفع اور خیر حاصل کرے گا عقل اور جان کو خواب میں دیکھنا اس امر کی علامت ہے کہ اس کو ماں باپ کا دیدار ہو۔
